Downsizing ဘယ်အချိန်လုပ်သင့်လဲ?

Downsizing လုပ်တယ်၊အိမ်အကျယ်အဝန်းကို လျှော့ချတယ်ဆိုတာ အိမ်ခြံမြေ အရောင်းအဝယ် လုပ်တာထက်မကဘဲ လူနေမှုပုံစံကိုပါ ပြောင်းလဲလိုက်တာ ဖြစ်ပါတယ်။ ပြောင်းရွှေ့ဖို့ "အသင့်တော်ဆုံး" အချိန်ဆိုတာ ဈေးကွက်အခြေအနေတစ်ခုတည်းအပေါ်မှာ မူတည်နေတာမဟုတ်ဘဲ ကိုယ်လက်ရှိနေတဲ့အိမ်က ကိုယ့်ရဲ့ ငွေရေးကြေးရေးနဲ့ ကိုယ်ပိုင်လိုအပ်ချက်တွေအပေါ် ဘယ်လောက်အထိ အဆင်ပြေနေသလဲဆိုတာပေါ်မှာလည်း မူတည်ပါတယ်။

အကယ်၍ ကိုယ့်အိမ်က ကိုယ့်ဘဝနှင့်နောင်ရေးအတွက် စိတ်အေးချမ်းရာနေရာ မဟုတ်တော့ဘဲ စိတ်ဖိစီးမှုတွေ ပေးနေပြီဆိုရင်တော့ ပိုပြီး စီမံရလွယ်ကူတဲ့ အိမ်အသေးစားလေးဆီ ပြောင်းဖို့ စဉ်းစားရမယ့်အချိန် ရောက်နေပါပြီ။

၁။ ငွေရေးကြေးရေးဆိုင်ရာ အညွှန်းကိန်းများ

ကိုယ့်အိမ်က ကိုယ့်အတွက် size အရမ်းကြီးနေပြီဆိုတာကို ကိုယ့်ရဲ့ ဘဏ်စာရင်းက အမှန်ကန်ဆုံး ပြောပြနိုင်ပါတယ် 

• ပြုပြင်ထိန်းသိမ်းစရိတ် မြင့်တက်လာခြင်း: အသုံးမပြုတဲ့ အခန်းတွေအတွက် ပြုပြင်စရိတ်နဲ့ မီတာခတွေက ကိုယ့်ရဲ့ Budget ကို ဝန်ထုတ်ဝန်ပိုး ဖြစ်စေတယ်ဆိုရင် အိမ်အသေးကို ပြောင်းတာက လစဉ် ငွေကြေးသုံးစွဲမှုကို အများကြီး သက်သာစေပါလိမ့်မယ်။

• အနားယူရန် ပြင်ဆင်ခြင်း (Retirement Planning): ကိုယ် ပင်စင်နှင့်အနားမယူခင်မှာ အိမ်အသေးကိုပြောင်းရွှေ့တာက အိမ်ချေးငွေအကြွေးတွေကို ကင်းရှင်းစေပြီး အိမ်ရဲ့ တန်ဖိုး (Equity) ကို အနာဂတ်အတွက် အသုံးပြုနိုင်အောင် ဖော်ထုတ်ပေးနိုင်ပါတယ်။

• ရင်းနှီးမြှုပ်နှံမှု အရင်းအနှီးရရှိခြင်း : အိမ်ကြီးကို ရောင်းချလိုက်တာက ခရီးသွားဖို့၊ ရင်းနှီးမြှုပ်နှံဖို့ ဒါမှမဟုတ် ငွေကြေးအရ ပိုပြီး လုံခြုံစိတ်ချရဖို့အတွက် "စုဘူး" အကြီးကြီးတစ်ခု ရရှိစေမှာ ဖြစ်ပါတယ်။

၂။ လူနေမှုပုံစံနှင့် စိတ်ပိုင်းဆိုင်ရာ လက္ခဏာများ

ကိုယ့်အိမ်ရဲ့ နေရာလွတ်တွေကို ကိုယ်ဘယ်လိုအသုံးချနေသလဲဆိုတာက ပြောင်းရွှေ့ဖို့ အချိန်တန်ပြီလားဆိုတဲ့ ခိုင်မာတဲ့ လက္ခဏာတစ်ခုပါပဲ -

• သားသမီးများ အိမ်ခွဲသွားခြင်း (The Empty Nest): သားသမီးတွေ အိမ်ကနေ ထွက်သွားပြီးတဲ့နောက် အခန်းလွတ်တွေကို ထိန်းသိမ်းနေရတာဟာ အချိန်နဲ့ ငွေကြေးကို ဖြုန်းတီးနေသလို ဖြစ်နေတတ်ပါတယ်။

• အသုံးမပြုသော အခန်းများ: ကိုယ့်အိမ်ရဲ့ အစိတ်အပိုင်း တော်တော်များများက လူနေတဲ့နေရာ မဟုတ်တော့ဘဲ "ပစ္စည်းသိုလှောင်တဲ့နေရာ" တွေ ဖြစ်လာပြီဆိုရင် ကိုယ်မလိုအပ်တဲ့ နေရာတွေအတွက် ပိုက်ဆံပေးနေရတာ ဖြစ်ပါတယ်။

• ထိန်းသိမ်းရမှာကို တာဝန်ကြီးလာခြင်း: အိမ်သန့်ရှင်းရေးလုပ်တာ၊ ခြံစောင့်ရှောက်တာနဲ့ အထွေထွေ ပြုပြင်တာတွေက ဝါသနာတစ်ခုလို မဟုတ်ဘဲ ဝန်ထုတ်ဝန်ပိုးတစ်ခုလို ခံစားလာရပြီဆိုရင်တော့ ပြုပြင်ထိန်းသိမ်းစရိတ်သက်သာတဲ့ တိုက်ခန်း (Condo) ဒါမှမဟုတ် အိမ်အသေးစားလေးက ကိုယ့်ဘဝအရည်အသွေးကို သိသိသာသာ တိုးတက်စေမှာပါ။

၃။ ဈေးကွက်အခြေအနေ နှင့် ကိုယ်ပိုင်အချိန်

"ရောင်းသူအားသာတဲ့ဈေးကွက်" (Seller’s Market) က အမြတ်အများဆုံးရမယ့် အချိန်ဖြစ်ပေမဲ့ ကိုယ့်ရဲ့ အဆင်သင့်ဖြစ်မှု (Personal Readiness) ကိုပဲ ဦးစားပေးသင့်ပါတယ်။ အိမ်ဈေးကောင်းရတာက ကောင်းပေမဲ့ ကိုယ်နောက်ထပ်ဝယ်မယ့်အိမ်ရဲ့ ဈေးနှုန်းကလည်း အဲဒီဈေးကွက် အခြေအနေအတိုင်းပဲ ရှိနေမှာကို သတိပြုရပါမယ်။ ကျွမ်းကျင်တဲ့ အိမ်ခြံမြေအကျိုးဆောင်က ကိုယ့်အတွက် အကောင်းဆုံး နှင့် အသင့်တော်ဆုံး deals တွေကို ရှာဖွေပေးနိုင်ပါလိမ့်မယ်။

ဒီ Downsizing ပြောင်းလဲမှုကို အောင်မြင်အောင် လုပ်ဆောင်ဖို့အတွက် အဓိကသော့ချက်က "ပစ္စည်းလျှော့ချခြင်း" (Decluttering) ပါပဲ။ မလိုအပ်တော့တဲ့ ပစ္စည်းတွေကို စောစောစီးစီး စနစ်တကျ စီစဉ်တာ၊ လှူဒါန်းတာ ဒါမှမဟုတ် ပြန်ရောင်းတာတွေ လုပ်ပါ။ အိမ်ကို အရောင်းစာရင်း မတင်ခင်မှာ ကိုယ့်ပစ္စည်းတွေကို အရင်လျှော့ချထားတာက ဝယ်သူတွေကို ပိုပြီး ဆွဲဆောင်နိုင်စေသလို နောက်ဆုံးမှာ ပြောင်းရွှေ့ရတာကိုလည်း ပိုပြီး လွယ်ကူစေမှာ ဖြစ်ပါတယ်။