အိမ်တစ်လုံးရဲ့တန်ဖိုးကို ၁၀ မိနစ်အတွင်း တွက်ချက်နည်း

အိမ်တစ်လုံးရဲ့တန်ဖိုးကိုသိရှိရဖို့အတွက် ကျွမ်းကျင်ပညာရှင်တွေနဲ့ တန်ဖိုးဖြတ်ခိုင်းတာက ငွေကုန်ကြေးကျများသလို အချိန်လည်း ကြာတတ်ပါတယ်။ ကိုယ်က အိမ်ခြံမြေ ရင်းနှီးမြှုပ်နှံသူ ဒါမှမဟုတ် တကယ်ဝယ်မယ့်သူဆိုရင် ဒီအရောင်းအဝယ်ဟာ ကိုယ့်အတွက် ကိုက်၊ မကိုက်ဆိုတာကို ရက်နဲ့ချီ မစောင့်ဘဲ မိနစ်ပိုင်းအတွင်း သိဖို့လိုပါတယ်။ အဲဒီအတွက် အကောင်းဆုံးနည်းလမ်းကတော့ နှိုင်းယှဉ်ဈေးကွက်ဆန်းစစ်ခြင်း (CMA) နည်းလမ်းပဲ ဖြစ်ပါတယ်။

(1)  နှိုင်းယှဉ်လို့ရမယ့် အိမ်နမူနာများ ရှာဖွေခြင်း (၃ မိနစ်)

အရောင်းWebsiteတွေမှာ (ဥပမာ- Redfin, Zillows သို့မဟုတ် နီးစပ်ရာ အကျိုးဆောင်ဆိုက်များ) "ရောင်းထွက်သွားပြီးသား (Sold) " စာရင်းတွေကိုပဲ ကြည့်ပါ။ အောက်ပါအချက် ၃ ချက်နဲ့ ကိုက်ညီတဲ့ အိမ်တွေကို ရွေးပါ -

• အကွာအဝေး: ကိုယ်ဝယ်မယ့်အိမ်ရဲ့ ဝန်းကျင် ၀.၅ မိုင် ကနေ ၁ မိုင်အတွင်း ရှိရမယ်။

• ကာလ: လွန်ခဲ့တဲ့ ၃ လကနေ ၆ လအတွင်း ရောင်းထွက်ထားတာ ဖြစ်ရမယ် (အဲဒီထက် ကြာသွားရင် ဈေးကွက်က ပြောင်းသွားနိုင်တယ်)။

• တူညီမှု: အိမ်ပုံစံတူရမယ်၊ အကျယ်အဝန်းကလည်း စတုရန်းပေ ၂၀၀ ဝန်းကျင်ပဲ ကွာရမယ်၊ အိပ်ခန်းနဲ့ ရေချိုးခန်း အရေအတွက် တူရမယ်။

(2) - တစ်စတုရန်းပေတန်ဖိုးကို တွက်ချက်ခြင်း (၄ မိနစ်)

ဒါဟာ အိမ်ခြံမြေလောကရဲ့ အမှန်ကန်ဆုံး တွက်ချက်နည်းပါ။ ကိုယ်ရွေးထားတဲ့ အိမ်နမူနာ ၃ လုံးရဲ့ ရောင်းဈေးကို အိမ်အကျယ်အဝန်း (Sq ft) နဲ့ စားလိုက်ပါ။

ဥပမာ -

• House A: $300,000 ÷ 1,500 sq ft = $200/sq ft

• House B: $315,000 ÷ 1,550 sq ft = $203/sq ft

• House C: $295,000 ÷ 1,450 sq ft = $203/sq ft

အဲဒီနောက် ဒီတန်ဖိုး ၃ ခုရဲ့ ပျမ်းမျှကို ရှာလိုက်ပါ။ အပေါ်က ဥပမာအရဆိုရင် ပျမ်းမျှအားဖြင့် တစ်စတုရန်းပေကို $202 ဝန်းကျင် ကျသင့်တယ်လို့ ကိုယ်က မှတ်ယူနိုင်ပါတယ်။

 (3) အိမ်အခြေအနေပေါ်မူတည်ပြီး ဈေးညှိခြင်း (၃ မိနစ်)

ဘယ် random အိမ်နှစ်လုံးမှ တစ်ထပ်တည်း မတူနိုင်ပါဘူး။ ဒါကြောင့် ကိုယ်ဝယ်မယ့်အိမ်နဲ့ ရှေ့ကနှိုင်းယှဉ်ထားတဲ့အိမ် (Comps) တွေကို "မျက်မြင်ကိုယ်တွေ့" ယှဉ်ပြီး အောက်ပါအတိုင်း ဈေးညှိရပါမယ်။

• အပိုထပ်ဆောင်းများ (Add-Ons): အကယ်၍ ကိုယ်ဝယ်မယ့်အိမ်မှာ တခြားအိမ်တွေမှာမပါတဲ့ မြေအောက်ခန်းပြင်ဆင်ပြီးသားမျိုး ပါနေတယ်ဆိုရင် ခန့်မှန်းတန်ဖိုးရဲ့ ၅% ကနေ ၁၀% လောက် ဈေးပိုသတ်မှတ်ပါ။

• ပြုပြင်ထိန်းသိမ်းမှု (Deferred Maintenance): နှိုင်းယှဉ်ခဲ့တဲ့အိမ်တွေက အဆင်သင့်တက်နေရုံ (Turn-key) ဖြစ်ပြီး ကိုယ်ဝယ်မယ့်အိမ်ကတော့ $10,000 ဖိုးလောက် အမိုးပြင်တာ ဒါမှမဟုတ် ကော်ဇောအသစ်လဲတာမျိုး လုပ်ဖို့လိုနေရင် အဲဒီကုန်ကျစရိတ်ကို စုစုပေါင်းတန်ဖိုးထဲကနေ ပြန်နှုတ်ရပါမယ်။

နောက်ဆုံးတွက်ချက်မှု:

အိမ်ရဲ့ ခန့်မှန်းတန်ဖိုးကို သိရဖို့အတွက် ကိုယ်ဝယ်မယ့်အိမ်ရဲ့ စတုရန်းပေအကျယ်အဝန်းကို ရှေ့ကရထားတဲ့ ပျမ်းမျှ ၁ စတုရန်းပေတန်ဖိုး $202 နဲ့ မြှောက်ပါ။ ပြီးရင်တော့ အိမ်ရဲ့ အခြေအနေပေါ်မူတည်ပြီး အတိုးအလျှော့ လုပ်ရုံပါပဲ။

တွက်နည်းလမ်းညွှန်:

(ကိုယ့်အိမ်ရဲ့ Sq. Ft.) x (ပျမ်းမျှဈေး $202) + (အခြေအနေအရ အတိုး/အလျှော့) = အိမ်ရဲ့ခန့်မှန်းတန်ဖိုး

ဒီနည်းလမ်းကို ဘာကြောင့် သုံးတာလဲ?

ရင်းနှီးမြှုပ်နှံသူတွေ ဒီနည်းလမ်းကို သုံးရတဲ့အကြောင်းရင်းက ရောင်းတဲ့သူ "ရချင်တဲ့ဈေး" (Aspirational Pricing) အပေါ်မှာ အခြေမခံဘဲ ဝယ်သူတွေ "တကယ်ပေးခဲ့တဲ့ဈေး" (Real Behavior) အပေါ်မှာပဲ အခြေခံတွက်ချက်လို့ ဖြစ်ပါတယ်။

ဥပမာ - ရောင်းသူဘက်က $350,000 ခေါ်ထားပေမဲ့ ကိုယ့်ရဲ့ ၁၀ မိနစ်စာ တွက်ချက်မှုအရ အိမ်ရဲ့တန်ဖိုးက $310,000 ပဲ ရှိနေတယ်ဆိုရင်တော့—ကိုယ်က ဈေးကို အပြတ်အသတ် ပြန်ညှိနှိုင်းရမလား ဒါမှမဟုတ် ဒီအရောင်းအဝယ်ကို လက်လွှတ်လိုက်ရမလားဆိုတာ ချက်ချင်း ဆုံးဖြတ်နိုင်မှာ ဖြစ်ပါတယ်။