Government Assistance Programs ဆိုတာ ဘာလဲ?

Government Assistance Programs ဆိုတာကတော့ ဝင်ငွေ အသင့်အတင့် ရှိသူတွေ၊ ပထမဆုံး အိမ်ဝယ်ယူသူတွေနဲ့ ဘဏ္ဍာရေး အခက်အခဲ ရှိသူတွေ အိမ်ပိုင်ဆိုင်နိုင်ရေးအတွက် အစိုးရ (Federal, State သို့မဟုတ် Local Government) ကနေ ကူညီ ထောက်ပံ့ပေးတဲ့ အစီအစဉ်တွေကို ခေါ်တာ ဖြစ်ပါတယ်။

အိမ်တစ်လုံး ဝယ်ယူတဲ့အခါ Down Payment (စရန်ငွေ) နဲ့ Closing Costs (စာချုပ်ချုပ်ဆိုစရိတ်) တွေအတွက် ငွေကြေး အခက်အခဲ ရှိနေသူတွေအနေနဲ့ ဒီ အစီအစဉ်တွေကို အသုံးပြုပြီး အိမ်မက်ကို အကောင်အထည် ဖော်နိုင်ပါတယ်။

အိမ်ဝယ်ယူသူတွေအတွက် အဓိက အစိုးရ အကူအညီပေးရေး အစီအစဉ်များ

၁။ Down Payment Assistance (DPA) Programs

အိမ်ဝယ်ယူတဲ့အခါ အကြီးမားဆုံး စိန်ခေါ်မှုဖြစ်တဲ့ Down Payment နဲ့ Closing Costs စရိတ်တွေအတွက် အဓိက ကူညီပေးတဲ့ အစီအစဉ် ဖြစ်ပါတယ်။

· Grants (အခမဲ့ ထောက်ပံ့ငွေ) - ပြန်လည် ပေးဆပ်စရာ မလိုဘဲ အစိုးရက ကူညီပေးတာ ဖြစ်ပါတယ်။

· Forgivable Loans (ကင်းလွတ်ခွင့်ရ မေးခွန်းထုတ်စရာမလိုသော ချေးငွေ) - အိမ်မှာ သတ်မှတ်ထားတဲ့ နှစ်အကန့်အသတ် (ဥပမာ - ၅ နှစ်မှ ၁၀ နှစ်) အထိ ဆက်လက် နေထိုင်သွားရင် ပြန်ဆပ်စရာ မလိုဘဲ ကင်းလွတ်ခွင့် ရရှိမှာ ဖြစ်ပါတယ်။

· Deferred Payment Loans - အိမ် ပြန်ရောင်းချိန် သို့မဟုတ် အိမ်ချေးငွေ အကြွေးကျေချိန်မှသာ ပြန်ဆပ်ရတဲ့ အတိုးမဲ့ ချေးငွေ ဖြစ်ပါတယ်။

၂။ အစိုးရ အာမခံချက်ပါသော အိမ်ချေးငွေများ (Government-Backed Mortgage Loans)

ပုံမှန် Traditional Loan တွေနဲ့ ယှဉ်ရင် Down Payment အနည်းငယ်ပဲ လိုအပ်ပြီး Credit Score သတ်မှတ်ချက် နိမ့်ပါးတဲ့ အကျိုးကျေးဇူးတွေ ရရှိနိုင်ပါတယ်။

· FHA Loans - Down Payment 3.5% တည်းနဲ့ အိမ်ဝယ်ယူနိုင်ပြီး Credit Score နည်းသူတွေအတွက် အထူး သင့်တော်ပါတယ်။

· VA Loans - စစ်မှုထမ်းဟောင်းများနှင့် တာဝန်ထမ်းဆောင်ဆဲ စစ်သည်များအတွက် Down Payment 0% (လုံးဝ ပေးစရာမလိုဘဲ) ဝယ်ယူနိုင်တဲ့ ချေးငွေ ဖြစ်ပါတယ်။

· USDA Loans - မြို့ပြင် သို့မဟုတ် ကျေးလက်ဒေသ (Rural Areas) တွေမှာ အိမ်ဝယ်ယူမယ့် ဝင်ငွေ အသင့်အတင့်ရှိသူတွေအတွက် Down Payment 0% နဲ့ လျှောက်ထားနိုင်ပါတယ်။

၃။ First-Time Homebuyer Tax Credits & MCC

အချို့သော ပြည်နယ်တွေမှာ ပထမဆုံး အိမ်ဝယ်ယူသူတွေအတွက် Mortgage Credit Certificate (MCC) ကနေတစ်ဆင့် လစဉ် ပေးဆပ်ရတဲ့ အိမ်ချေးငွေ အတိုးပေါ်မှာ အခွန် လျှော့ပေါ့ခွင့် (Tax Credit) တွေ ပေးအပ်လေ့ ရှိပါတယ်။

ဒီ အစီအစဉ်တွေကို လျှောက်ထားဖို့ ဘာတွေ လိုအပ်သလဲ?

1. ဝင်ငွေ ကန့်သတ်ချက် (Income Limits) - မိသားစု ဝင်ငွေဟာ အစိုးရက သတ်မှတ်ထားတဲ့ ဒေသဆိုင်ရာ ဝင်ငွေထက် မကျော်လွန်ရပါဘူး။

2. ပထမဆုံး အိမ်ဝယ်ယူသူ ဖြစ်ခြင်း - အများအားဖြင့် လွန်ခဲ့တဲ့ (၃) နှစ်အတွင်း ကိုယ်ပိုင်အိမ် မရှိဖူးသူတွေကို ဦးစားပေး လျှောက်ထားခွင့် ပေးပါတယ်။

3. ကိုယ်တိုင် နေထိုင်မည့် အိမ်ဖြစ်ခြင်း (Primary Residence) - ရင်းနှီးမြှုပ်နှံသူတွေနဲ့ ပြန်လည် ငှားရမ်းမယ့် အိမ်တွေအတွက် မရရှိနိုင်ဘဲ ကိုယ်တိုင် နေထိုင်မယ့် အိမ်ဖြစ်ရပါမယ်။

4. Homebuyer Education Class တက်ရောက်ခြင်း - အစိုးရ ထောက်ပံ့ငွေ ရယူဖို့အတွက် အိမ်ဝယ်ယူခြင်းဆိုင်ရာ သင်တန်းတိုတစ်ခု သင်ယူပြီးစီးကြောင်း လက်မှတ် ပြသရလေ့ ရှိပါတယ်။

Government Assistance Programs တွေဟာ အိမ်ဝယ်ယူဖို့ စုဆောင်းငွေ မလုံလောက်သေးသူတွေအတွက် လမ်းစပွင့်ပေးနိုင်တဲ့ အခွင့်အရေးကောင်းတစ်ခု ဖြစ်ပါတယ်။ ဒီ Programs တွေရဲ့ အားနည်းချက် တစ်ခုကတော့ ချေးငွေ အတိုး ပိုများသွားနိုင်ပါတယ်။ မိမိ နေထိုင်ရာ

State နဲ့ County အပေါ် မူတည်ပြီး ရရှိနိုင်တဲ့ အစီအစဉ်တွေ ကွဲပြားမှု ရှိတာကြောင့် သေချာ လေ့လာထားဖို့ လိုပါတယ်။